Бір шаңырақ астында

"Ы.Алтынсарин атындағы орта мектеп"
коммуналдық мемлекеттік мекемесі бойынша
"Бір шаңырақ астында"атты мерекелік іс-шараның мәліметі.
2017-2018 оқу жылы

Мақсаты: Оқушыларға Қазақстан Республикасы әлемде ең алғашқы мемлекеттердің бірі болып сырттан келген басқа ұлт өкілдеріне алтын бесік болғандығын ұғындыру Қазақстандық патриотизмге, елін, жерін сүюге және халқын құрметтеуге тәрбиелеу. Басқа ұлт өкілдерінің мәдениетін, әдет-ғұрпын сыйлауға үйрету
Мектебімізде 28 сәуір күні сағат 15:00 мәжіліс залында "Бір шаңырақ астында" атты мерекелік іс-шара өткізілді. 1 мамыр Қазақстан халықтарының бірлігі күніне арнап мектеп оқушылары және ұстаздар концерттік бағдарлама көрсетті. Мерекелік іс-шараны құттықтау сөзімен мектеп директоры Сендалиев Т.Т. ашып берді. Құттықтау сөзден кейін "Елбасы" әнімен Қойлыбай Тоғжан мерекелік іс-шараны әсем әнмен бастады. Биыл еліміздің Тәуелсіздігіне 27 жыл толғалы отыр. Бұл – қажырлы еңбектің, төзімділік пен жеңістің 27 жылы. Егемен ел бесігі жыл өткен сайын еңсесін биіктетіп келеді. «Өз елім» әнін 9 сынып оқушысы Қасиет орындап шықты. Әр сыныпқа берілген ұлт өкілдері бойынша өз өнерлерін көрсетті. Әр елдің салт-дастүрлерін, әнін, биін көрсетті. 6 сынып оқушысы Шалқар Іңкәр және оның анасы Айжан апай домбырамен ән айтты.
«Ел бірлігі – ең асыл қасиет.Бірлік, ынтымақ, сабырлылық пен парасаттылық, ең алдымен өзімізге – қазақтарға керек» деп көрегенділікпен Елбасымыз айтқандай, біз сияқты көпұлтты мемлекеттің даму болашағының бір көзі – Қазақстан халықтарының бірлігі. Мерекелік іс-шара "Ақ көгершін" және "Әрқашан күн сөнбесін" әнін хормен айтумен аяқталды.
Мерекелік іс-шара көрермендердің көңілінен шығып, көтеріңкі көңіл күймен тарқасты. Аталған мерекелік іс-шара видео мен суреттерге түсірілді.