Жол жүру ережесін сақтаңыздар!

​https://www.instagram.com/p/C7RC3YdNBg8/?utm_source=ig_web_copy_link&igsh=MzRlODBiNWFlZA==​​​
Құрметті ата-аналар!
2023-2024 оқу жылы аралығында білім алушыларға жолда жүру ережелері бойынша сынып жетекшілер тарапынан сабақтар өткізіліп, нұсқаулықтар мен ескерулер берілді. Балаларды жауапкершілікке, сергектікке, жол ережесін бұлжытпай сақтауға тәрбиеледі.
Велосипед, скутер, мопед- бұлар жол қозғалысының қатысушылары болып табылады. Велосипедпен, скутермен, скейтбордпен, самокатпен жолда жүру ережелерін қатаң сақтап жүруін назарға алыңыздар! Жол қозғалысы ережесіне сәйкес велосипедпен 14 жасқа дейінгі балаларға тек тротуар мен жаяу жүргіншілер алаңдарымен, жаяу жүргіншілер мен велосипедтер жолымен жүруге ғана рұқсат етіледі және жолдың жүретін бөлігінде жүруге тыйым салынады. 7 жасқа дейінгі балаларды ересектер ілесіп алып жүруі керек. 14 жастан асқан балаларға велосипед және веложүргіншілер жолымен және велосипедшілерге арналған жолақпен жүруге рұқсат етілген. Олар болмаған жағдайда, жолдың жүріс бөлігінің оң жақ шетімен жүруге рұқсат етіледі. Велосипедші жаяу жүргіншілер өткеліне жақындап, жаяу жүргінші ретінде жолды кесіп өтерде, велосипедті өзімен бірге алып жүруге міндетті.
Сондай-ақ, көлік жүргізушілерін сақ болуға шақырамыз! Жолда кез -келген уақытта бала шығып қалуы мүмкіндігін ескеріп жүруін сұраймыз.
​https://www.instagram.com/p/C7RC3YdNBg8/?utm_source=ig_web_copy_link&igsh=MzRlODBiNWFlZA==​​​