Мектептегі өзін-өзі басқару ұйымының жоспары бойынша "Жомарт жүрек" акциясы ұйымдастырылды.

Қазақтың жақсы қасиеттерінің асылы- жомарттық, кең пейілдік. Жомарт болу өзіңде барды жақын адамдармен шын жүректен бөлісу. Осы орайда оқушы жастардың санасына мейірімділік, қайырымдылық ұғымдарын қалыптастыру мақсатында «Ы. Алтынсарин атындағы орта мектеп- мектеп жанындағы интернатымен және Қызылқазақ бастауыш мектебімен» КММ-нде мектеп парламентінің ұйымдастыруымен 4-10 сынып оқушылары арасында «Жомарт жүрек» қайырымдылық акциясы өткізілді. Жоғары сынып оқушылары бастауыш буын оқушыларына оқу құралдарын тарту етті. Аталған іс-шараға ата-аналар да ат салысып, өз үлестерін қосты. «Жомарт жүрек» қайырымдылық акциясында істеген игі істері, ыстық ілтипаттары балалардың жүрегіне жылу ұялатып, осы күндері олардың бір арманы орындалып, бақытты балалықтың қуанышына бөленсін демекпін.